Përfaqësuesja e Maqedonisë U-21 pësoi një tjetër humbje, kësaj radhe në transfertë kundër Malit të humbëm me rezultatin 3:2.
Të përzgjedhurit e trajnerit Staniç kaluan në epërsi në pjesën e parë, por në pjesën e dytë ekipi vendas shënoi tre gola në një periudhë relativisht të shkurtër. Kjo është humbja e tretë e Maqedonisë pas ndeshjeve hapëse kundër Polonisë dhe Italisë, ndërsa fitorja e vetme është kundër Armenisë, në fushën vendase.
Tentimi i parë para portës kundërshtare ishte nga Memetriza Hamza, i cili gjuajti shkëlqyeshëm me këmbën e majtë, por portieri Radanoviç intervenon me kohë. Goditja nga këndi që u ekzekutua më pas solli epërsinë. Pas asistit të shkurtër, Memetriza Hamza krosoi shkëlqyeshëm, ndërsa Meliqi kërceu më lartë në pesëmetërshin e zonës kundërshtare, duke mposhtur portierin Radanoviç
Ekipi vendas provoi dy herë, me gjuajtje nga jashtë zonës së penalltisë, por edhe me një gjuajtje nga afër, por Vasko Vasilev ishte i shkëlqyer dhe i sigurtë në pjesën e parë.
Rasti më i mirë për të shtuar epërsinë erdhi pas një pasimi të dyfishtë nga Dashmir Elezi, i cili, nga afërsia goditi drejt portës së Radanoviçit, por portieri malazez ishte në lartësinë e detyrës këtë herë.
Në anën tjetër, Vukaniç ishte i fundit që u kërcënua, pas një aksioni nga e majta, mirëpo lojtari i Buduçnosti gjuan vetëm lartë mbi portë.
Në minutën e 54-të, Dimitar Trajkov tentoi nga gjysma e distancës me këmbën e majtë, por Radanoviç ishte përsëri i sigurt. Diçka që nuk mund të thuhet për portierin Vasko Vasilev, i cili në minutën e 56-të, devijoi topin në zonën e tij pas gjuajtjes së Vukaniç dhe "nëntëshja" Perishiç vrapoi dhe barazoi shifrat në 1:1.
Pasi skuadra vendase barazoi rezultatin, Maqedonia u përpoq të merrte përsëri epërsinë dhe u zhvendos në gjysmën e fushës. Kjo i lejoi skuadrës vendase të kishte hapësirë më shumë për kundërsulme, dhe njëra prej tyre i solli epërsinë. Mrvaljeviç asistoi te Jukoviçi, i cili u u pozicionua mirë dhe me këmbën e djathtë godet për 2:1.
Kjo ndodhi në minutën e 68-të, kështu që në minutën e 73-të ekipi vendas kishte epërsi 3:1. Vukoviç krosoi nga e djathta, topi arriti te Mrvaljeviç, dhe me ndihmën e njërit prej lojtarëve të Maqedonisë që e goditi topi, shënoi një gol për të dyfishuar epërsinë e ekipit vendas.
Maqedonia nuk arriti të rikthehej në lojë nga kjo situatë, megjithëse kishte raste minimale në fund të ndeshjes.Dimitar Trajkov shënoi një gol në kohën shtesë. Megjithatë, Maqedonia nuk kishte forcë që të rikthehej plotësisht në aspektin e rezultateve.
Mali i Zi – Maqedonia 3:2 (0:1)
Stadiumi në Tuzë
Golashënuesit: Perisiç 56, Gjukoviç 68, Mrvaljevic 73 (CG) Meliqi 13, Trajkov 90 (M)
Kartona të verdhë: Knezheviç, Melentijeviç, Jukoviç (CG) Elezi, Xhekov (M)
Mali i Zi: Radanoviç, Vukoviç, Melentijeviç, Franeta, Maras, Krivokapiç (Radusinoviç 46), Vukaniç (Savoviç 82), Miranoviç, Knezeviç (Jukoviç 58), Perisiç, Mrvaljeviç (Radunoviç 90)
Maqedonia: Vasilev, Dimeski, Xhekov, Meliqi, Danev, Trajkov, Angelov, Gashtarov (Zenku 80), Elezi (Taleski 72), Gjorgievski (Nikolovski 58), Memetriza
