Përfaqësuesja e futbollit e Maqedonisë pësoi një tjetër humbje në Ligën e Kombeve, pasi në shtëpi humbi 0-2 nga përfaqësuesja e Skocisë. Mysafirët treguan më shumë vendosmëri në fazën përfundimtare, ndërsa përfaqësuesja jonë, edhe pas tri xhirove të zhvilluara, mbetet pa shënuar gol.
Avantazhin e hershëm për Skocinë e solli Kieran Bowie në minutën e gjashtë me një goditje të saktë nga 25 metra.
Maqedonia e pati të vështirë të krijonte raste, ndërsa përpjekjen më serioze në pjesën e parë e pati Bojan Ilievski. Ai gjuajti në minutën e 22-të, por nuk ishte i saktë.
Pas pjesës së parë, skocezët e kontrolluan lojën, ndërsa fitoren e konfirmuan përmes John McGinn nga penalltia në minutën e 70-të, e akorduar për shkak të prekjes me dorë nga Miovski. Pas ndërhyrjes së VAR-it, arbitri Letexier tregoi pikën e bardhë.
Më herët, pati një moment kur ai akordoi penallti pas ndërhyrjes së Gashtarovit, por pas asistimit të VAR-it e tërhoqi vendimin.
Edhe pse mysafirët i luajtën dhjetë minutat e fundit me një futbollist më pak pas përjashtimit të Scott McKenna-s, skuadra maqedonase nuk arriti të shënonte dhe Skocia e mori fitoren.
