Me ndeshjen Tikvesh - Arsim do të nis sezoni i ri në Ligën e Parë Futbollistike të Maqedonisë. Në Kavadar, skuadra vendase dëshiron ta nis sezonin e ri me triumf, në të cilin ka ambicie për renditjen më të mirë të mundshme në tabelën e Ligës së Parë.
Ekipi nga Kavadari, me një drejtues të ri, një staf të ri trajnerësh dhe shumë ndryshime në stafin e lojtarëve, kërkon tri pikët e para. Ata nuk e nënvlerësojnë kundërshtarin, por kampi i Tikveshit beson se me ndihmën e fushës vendase dhe publikut, do ta arrijnë qëllimin.
"Kishim përgatitje të shkëlqyera, ku luajtëm kundër kundërshtarëve të fortë dhe patëm mundësinë të shihnim se ku duhet të përmirësohemi dhe ku jemi të mirë. Kampionati po fillon më shpejt tani sesa në vitet e kaluara dhe këto gabime nuk duhet të përsëriten sepse qëllimi ynë në çdo ndeshje do të jetë të fitojmë dhe të përfundojmë sa më lart në fund të sezonit. Raundi i parë është më i vështiri, pavarësisht kundërshtarit. Por mendoj se nëse luajmë të disiplinuar dhe përmbushim detyrat nga stafi ynë i trajnerëve, do të arrijmë fitoren dhe do ta fillojmë sezonin në mënyrën më të mirë", tha portieri i ekipit vendas Hristijan Stevkovski.
Portieri i Tikveshit tregoi respekt për kundërshtarin.
"Arsimi ka një ekip të mirë që meriton respekt. Ata e treguan këtë sezonin e kaluar dhe pres një ndeshje të vështirë si ajo e raundit të parë, dhe nuancat për të vendosur. Besoj se me mbështetjen e tifozëve tanë, do të jemi të lumtur me një fitore", thotë Stevkovski.
