Pas një triumfi 8:0 në duelin kundër Top Goal, ekipi i futbollit të vajzave Skopje 2014, fitoi titullin në Ligën e Parë të Futbollit, tre javë para përfundimit të kampionatit.
Me fitoren e fundit, Skopje 2014 ka një avantazh prej 15 pikësh ndaj konkurrentit të saj më të afërt KFV Tiberia Brera, duke konfirmuar kështu matematikisht pozitën e parë.
Serinë e golave në stadiumin Przhino e hapi Blehana Alieska në minutën e tetë. Në minutën e 13-të, Besarta Fida e çoi epërsinë në 2:0, ndërsa në minutën e 26-të, Emili Mitkovska shënoi golin e tretë për kampionen e re të Maqedonisë.
Në minutën e 38-të, Kristina Krsteva i dha epërsinë KFV Skopje 2014 me rezultatin 4:0, dhe dy minuta para përfundimit të pjesës së parë, vendasit shënuan për herë të pestë kundër Top Goal, dhe këtë herë Tamara Atanasovska ishte precize.
Në fund të ndeshjes, KFV Skopje 2014 shënoi tri gola të tjerë. Në minutën e 77-të, Alieska shënoi për herë të dytë, ndërsa në dhjetë minutat e fundit, të sakta ishin edhe Emilija Ivkoviç dhe Anja Golovska.
Në ndeshjet e mbetura të javës së 23-të të kampionatit, Tiberia Brera mposhti Kamenica Sasa me rezultatin 3:0, KFV Istatov dhe Luboteni u ndalën në barayim pa gola, Vardari shënoi fitiore ndaj Koçanit me rezultatin 4:1, dhe nga një gol u shënua nga të dyja palët në ndeshjen midis AS Junajted dhe Reçica.
