Përfaqësuesja e Maqedonisë në konkurencën e femrave, mposhti Andorrën me rezultatin 3:0 në ndeshjen e dytë të këtij cikli kualifikues për Kupën e Botës.
Ekipi i trajnerit Aleksandar Andov hyri në këtë ndeshje në Manastir me një motiv të madh për të fituar dhe për të treguar se paraqitja e mëparshme kundër Azerbajxhanit ishte thjesht një ditë e keqe.
Mysafirët kishin iniciativën në dhjetë minutat e para, por më pas kombëtarja jonë mori kontrollin e lojës dhe vetëm në tre minuta arriti të shënonte dy gola që praktikisht vendosën ndeshjen e sotme.
Në minutën e 17-të, Teona Galabovska i dha epërsinë Maqedonisë 1:0, dhe vetëm tre minuta më vonë, Simona Meyer shënoi golin e dytë dhe shtoi epërsinë.
Kombëtarja maqedonase pati mundësinë të regjistronte një fitore më bindëse, dhe nga shumë raste për të shënuar, Melanija Grozdanovska shënoi në minutën e 83-të për të tundur rrjetën e kundërshtarëve dhe për të vendosur rezultatin përfundimtar.
Në ndeshjen e dytë të grupit tonë në Ligën C, Hungaria fitoi 1:0 në shtëpi kundër Azerbajxhanit.
Pas dy raundeve, hungarezët kryesojnë me katër pikë, Maqedonia dhe Azerbajxhani kanë nga tre secila, ndërsa ekipi i Andorrës është në vendin e katërt me një pikë.
Në këtë raund, Maqedonia do të takohet me Hungarinë. Ndeshja e parë në program është më 14 prill në Manastir, dhe katër ditë më vonë hungarezet na presin në Felchut.
