Përfaqësuesja e Maqedonisë në futboll pësoi disfatë në ndeshjen e zhvilluar në Kopenhagë, ku Danimarka shënoi fitore bindëse me rezultat 4:0 dhe të gjitha golat erdhën në pjesën e dytë.
Edhe pse përfaqësuesja e Maqedonisë në futboll udhëtoi me ambicje për të marë një rezultati pozitiv, kjo nuk u materializua në fushë. Ndeshja solli zhgënjim edhe për trajnerin Goce Sedloski, i cili pati një debutim të pasuksesshëm në stolin e Maqedonisë.
Në pjesën e parë, përfaqësuesja e Maqedonisë u mbrojt në pjesën më të madhe te ndeshjes vendasit dominuan në posedimin e topit dhe krijimin e rasteve. Megjithatë, falë disa ndërhyrjeve të sigurta nga Stole Dimitrievski, porta mbeti e paprekur deri në pushim.
Mirëpo kjo gjendje u ndryshua plotësisht pas pushimit. Danimarka mori epërsinë vetëm katër minuta pas fillimit të pjesës së dytë, kur, pas një reagimi të dobët të mbrojtjes, Damsgaard shfrytëzoi situatën dhe e çoi topin në portë.
Pak më vonë erdhi edhe goditja e dytë. Damsgaard asistoi, dhe Isaksen shërnon saktë për 2:0. Maqedonia dështoi që të konsolidojë radhët e saja dhe i njëjti lojtar u regjistrua përsëri në listën e golashënuesve dhe e çoi avantazhin në 3:0.
Rezultati përfundimtar 4:0 u vendos pas goditjes nga këndi të Eriksenit, kur Norgaard reagoi më mirë në rrëmujën para portës dhe e dërgoi topin në rrjetën e portës së Dimitrievskit.
Me këtë humbje bindëse, humben edhe gjasat për t'u kualifikuar në Kupën e Botës të vitit 2026. Ndeshja e radhës kundër Republikës së Irlandës do të jetë pa ndonjë rëndësi rezultati, por do të jetë një mundësi për të përmisuar imazhin.
