OFS Bitola pësoi humbje 0:4 nga Zenica-Doboj në raundin e dytë të Grupit 1 të Kupës së Rajoneve të UEFA-s.
Skuadra vendase e hapi rezultatin që në fazën e hershme të ndeshjes. Nedim Rapiq shënoi për 1:0 në minutën e 15-të, ndërsa shtatë minuta më vonë Harun Jupiq e rriti epërsinë në 2:0. Para pushimit, Zenica-Doboj shënoi edhe një gol, përmes Tarik Shijerkiqit në minutën e 45-të, për 3:0. Në pjesën e dytë, futbollistët nga Bitola u përpoqën të përgjigjeshin, por nuk arritën ta mposhtnin portierin e vendasve. Rezultatin përfundimtar 4:0 e vendosi Hadis Krehmiq në minutën e 88-të.
Me këtë humbje, OFS Bitola mbetet pa pikë pas dy raundeve të zhvilluara në grup, ku përveç Zenica-Dobojit dhe përfaqësuesit maqedonas janë edhe skuadra uellsiane Team Rhanbartol dhe De i Kilisia nga Armenia. Ndeshjen e fundit, përfaqësuesi ynë do ta luajë më 8 shtator në orën 11:00 kundër Kilisias armene. Të dyja skuadrat kanë nga dy humbje.
ZENICA-DOBOJ – OFS BITOLA 4:0 (3:0)
Shënues: Rapiq 15′, Jupiq 22′, Shijerkiq 45′+1, Krehmiq 88′
OFS Bitola: Aleksandar Balev, Arif Mersimi, Pepi Trajkov, Bojan Kantarovski, Dimitar Nikolovski, Dejan Sekulovski, Aleksandar Krstevski, Temur Emini, Ivanço Jovanovski, Miki Talevski, Luka Lisolajski.
Trajner: Vasko Boshevski.
Zenica-Doboj: Matej Banoviq, Andrej Juriq, Tarik Sazhiq, Belmin Haxhiq, Bekir Deliq, Anton Tadiq, Hadis Krehmiq, Tarik Shijerkiq, El-Harun Hrnjiq, Nedim Rapiq, Harun Jupiq.
Trajner: Bekir Mehanoviq
