Federata e Futbollit e Maqedonisë (FFM) dënon ashpër incidentin që ndodhi gjatë ndeshjes së kategorisë së të rinjve (gjenerata 2009/10) midis ekipeve të Bregalnicës dhe Shkupit, kur një grup të prindërve të lojtarëve mysafirë hynë në fushë dhe sulmuan fizikisht disa nga lojtarët vendas.
Kjo sjellje është plotësisht e papranueshme dhe përfaqëson një shkelje të rëndë të frymës së sportivitetit, lojës së ndershme dhe sigurisë së lojtarëve të rinj të futbollit.
Është veçanërisht shqetësuese që njëri nga fëmijët pësoi lëndime të rënda, përfshirë fraktura, si pasojë e sulmit.
FFM njofton se autoritetet kompetente do të inicojnë procedura disiplinore dhe do të marrin masat e duhura kundër autorëve të incidentit.
Do të iniciohen procedura disiplinore kundër KF Shkupi dhe personave përgjegjës, në mënyrë që të sigurohet që një sjellje e tillë, e papërshtatshme dhe e rrezikshme, të mos ndodhë asnjëherë në të ardhmen.
Federata kujton edhe një herë se çdo akt dhune në fushat sportive është i papranueshëm dhe do të sanksionohet rreptësisht.
Me dhunë, nga kushdo dhe në çdo nivel, nuk do të ketë kompromis.
Detyrimi ynë i përbashkët është të krijojmë një mjedis të sigurt dhe pozitiv për zhvillimin e brezave më të rinj të futbollistëve.
