Skuadra e pionierëve e Vardarit është fituesja e re e Kupës së Maqedonisë, pasi në ndeshjen finale arriti një fitore bindëse 3:0 kundër ekipit të Maqedonia GJ.P
Kuqezinjtë” kaluan në epërsi që në minutën e 15‑të me anë të Matej Nikolovit, i cili kurorëzoi lojën e mirë të ekipit të tij në pjesën e parë. Edhe pse rezultati mbeti i pandryshuar për një kohë të gjatë, finalja ofroi futboll interesant dhe dinamik me disa mundësi të shkëlqyera nga të dyja palët.
Në 15 minutat e fundit, Maqedonia GJ.P mori iniciativën dhe u përpoq të arrinte barazimin, por Vardari dinte si të përgjigjej. Pikërisht në momentet kur kundërshtari ushtronte presion, lojtarët e Vardarit ishin më të rrezikshëm nga kundërsulmet.
Në fundin e takimit, Adrian Veleski në minutën e 90‑të e rriti epërsinë në 2:0, ndërsa Luka Jasmin Gjorgjiev në minutën e katërt të shtesës së gjyqtarit vendosi rezultatin përfundimtar 3:0 dhe vuri vulën mbi triumfin e Vardarit.
Me këtë fitore, pionierët e Vardarit e ngritën plotësisht të merituar trofeun e Kupës së Maqedonisë, duke kurorëzuar një sezon të suksesshëm.
