Sileksi është fituesi i Kupës së Maqedonisë, pasi që në Arenën Kombëtare “Todor Proeski” mundi ekipin e Shkëndijës me rezultatin 1-0. Ekipi nga Kratova, përveç trofeut, fitoi edhe një vend në Evropë, më saktësisht në Ligën e Konferencës.
Sileksi e nisi ndeshjen më mirë dhe në minutën e 9-të u kërcënua me anë të Aliçit, i cili gjuajti me vështirësi, por Gaje ishte në nivel të detyrës.
Pastaj pasoi iniciativa e Shkëndijës dhe shansi i parë përmes Ndzengue-s, që godet me kokë, Xhekov arriti ta largojë topin, për një goditje nga këndi. Në fund të pjesës së parë, Shkëndija kishte edhe një shans përmes Krasniqit, i cili u vonua për një sekondë, për të drejtuar topin në portën e Xhekovit.
Pjesa e dytë nisi më mirë për Shkëndijën. Trumçi pati një shans dhe gjuajti e tij shkon mbi portë, dhe më pas Latifi dërgoi një gjuajtje të shkëlqyer, por Xhekov arriti ta shpëtonte portën duke drejtuar topin në rivënie nga këndi.
Goli i vetëm në finale erdhi në minutën e 71-të. Fetai në mesfushë nuk e priti topin siç dëshiront, Dodev fitoi duelin dhe pas depërtimit të shpejtë, asistoi në zonë, ku Aliç mposhtti Gajen nga 5-6 metra.
Deri në fund të ndeshjes, Shkëndija u përpoq të barazonte rezultatin, por Sileksi arriti të mbrohej dhe kështu të gëzohet për trofeun e Kupës.
KUPA E MAQEDONISË, FINALE
SILEKSI – SHKËNDIJA 1-0 (0-0)
Arena Kombëtare "Todor Proeski" në Shkup. Shikues: 5,000.
Gjyqtari kryesor: Igor Stojçevski.
Golashënues: Adi Aliç 71′
Kartona të verdhë: Timovski, Piresh, G. Xhekov (Sileksi) – Alhasan, Trumçi, Zejnullai, Mazari, Meljiçi (Shkëndija)
SILEKSI: Lj.Xhekov, Timovski (83′ Dimitrievski), Shubert, Buturoviç, G. Xhekov, Eftimov (65′ Mirçevski), Donov, Dodev (74′ Delimegjac), Angeleski, Pires, Alië (83′ Mishov).
Trajner: Aleksandar Vasoski.
SHKËNDIJA: Gaje, Trumçi, Fetai, Islami, Ajetoviç (81′ Mazari), Alhasan (70′ Meljiçi), Zejnullai (81′ Krstevski), Krasniqi, Latifi, Tamba (58′ Spahiu), Ndzengue.
Trajner: Jeton Beqiri.
